ال "cough" أو الكحة..

ال "cough" أو الكحة..

لو دخلك الصيدلية مريض كحة لازم تسأله 5 اسئلة قبل ما تدى العلاج:
- العمر
- بقالوا قد ايه بيكح؟
- طبيعة الكحة هل ناشفة ولا ببلغم
- فى حاجة تانيه بيحس بيها مع الكحة زى ألم فى الصدر أو حرارة أو وجع زور أو....... غيره
- هل هو مريض: ( أزمة وده هنسمع صوت wheezing زى تزييئ الباب كده,,, أو سكر وده بتكون مناعته قليلة,,, أو قلب لأن مرضى ال Heart failure بتجيلهم كحة وده هنعرفه عن طريق باقى اعراضه وى دوخة و edema فى رجله).

طبيعة الكحة تنقسم الى 3 انواع اما ناشفة او ببلغم او بيخرج معاها دم:

الناشفة:
انواعها:
- normal ودى بتيجى للمريض بعد دور برد وبتقعد معاه من 3 ايام الى 3 شهور ودى علاجها اى حاجة للكحة.
- self-limited ودى بتروح علطول بعد يوم او يوم ونص واى دوا كحة من اول معلقة او اتنبن هيعالجها علطول.
- فى نوع بعد ما الكحة تنتهى وهو بياخد النفس بتعمل صوت زى الديك كده وده اسمه السعال الديكى،، وهنا لازم تبعته على الطبيب فورا.
- وفى نوع كمان بيجى لمريض ازمة وزى ما قلنا بنتأكد اننا نسمع صوت wheezing بالسماعة،، وده برضو لازم نبعته على المستشفى فورا.
- مرضى الضغط اللى بيتعالجوا بأدوية ال ACE-inhibitor زى ال captopril بيجيلهم كحة وهنا لازم يوقفوا العلاج وياخدوا نوع تانى من ادوية الضفط.

اللى ببلغم:
البلغم اما ان يكون:
- لونه ابيض وده علاجه ياخد اى دوا مذيب او طارد للبلغم.
- او لونه اصفر غامق او بنى او اخضر وده معناه ان فى infection وهنا المريض هيحتاج مضاد حيوى،، وكل ما يغمق درجة لون البلغم اكتر كل ما تزيد درجة ال infection أكتر.
- لو كان فيه معاه fever كده معناه ان فى infecton فى ال respiratory tract وهنا لازم ادى كورس انتى بيوتك كامل.

العلاج:
بالنسبة للكحة الناشفة ببكن نعالجها ب:
- اى دوا مادته الفعاله "dextromethorphan" زى ال tussivan أو ال codaphen
- أو تكون مادته "oxeladine" زى ال paxeladine
- أو اى natural drug زى ال guava -bronchicum -bronch-sinadry
بالنسبة للكحة اللى ببلغم:
نقلل البلغم عن طريق اننا اما نطرده او ندوبه
نطرده ب:
- أى دوا مادته الغعالة: "lobelia extract" زى ال broncho شراب
- أو دوا تكون مادته "ammonium chloride
ندوبه ب:
- اى دوا مادته الفعاله "bromohexine" زى ال bisolvon elixir
- أو تكون مادته " ambroxol"
- أو بواسطة الأسيتايل سيستاين "acc" وده مذيب للبلغم عن طريق انو بيكسر ال sulphide bond اللى موجودة فى البلغم.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ