موضوع متكامل عن انترفيو النهدى
بص يا ريس انا هقولك هو عاوز صيدلي ازاي وانت سستم
نفسك على كدة :
عاوز صيدلي يشتغل من 10 ل 12 ساعة وجمعة اجازة وجمعة
شغل
ممكن يتحمل اسلوب بعض الزباين الوحش او طبيعتهم البدوية
" طبعا ما عدا الاهانة "
ازاي تهندل الزبون وتحل مشكلته وتعمل معاة كروس سلز
معنوش مانع يروح مكان ريف او حضر طالما نفس الشركة
ونفس السستم
هيقولك قولي مشكلة وحليتها ؟؟ ومشكلة محلتهاش ؟؟؟
وايه اكتر حاجة بتبسطك ؟؟؟ واكتر حاجة بتزعلك ؟؟؟
ياريت تكون الحاجات دي كلها ليها علاقة بالشغل وانك
طلعت اسد ف الموقف الفلاني وهندلت الزبون ف موقف تاني يعني وبلاش تمدح نفسك أوفر او
تذمها اوفر ممكن تمدح نفسك عن طريق غير مباشر زي مثلا مشكلة وازاي اتعاملت معاها
فيه اسئلة مشهورة جدا :
زي مريض سكر وعاوز شريط جلوكوفاج: عاوزين نعمل كروس
سلز :
نقوله اهمية السكر الدايت ونديلة مثلا دايت سويتي
اهمية قياس السكر بانتظام ونديلة جهاز سكر
..." ملحوظة جميع الاجهزة الطبية موجودة وتباع زي ال و تو سي "
فيتامين ب مركب
اقولع مضاعفات مرض السكر عشا مش احرجة وانه بيعمل
ضعف في السيكو سيكو واخبطة سنافي او فياجرا
انصحة انه يقلل من الدهون والنشويات وارزعة حاجة
فيها اوميجا 3 عشان التراي جلسريد والكوليسترول واقولة دة هيحميك من امراش الشرايين
والتصلب وكدة
............................................................................
واحد تخين وجايلك وبيقولك اديني حاجة حلوة عشان انزل
وزني وميهمكش السعر ؟؟؟:
اولا حاجة تققل امتصاص الدهون زي " زينيكال"
ودة عبارة عن اورليستات ودة لايبيز انهيبيتور ف الدهون مش تتكسر وتنزل مع البراز ممكن
ياخد 2 ك مع الوجبة الكبيرة و1 ك مع الوجبة الصغيرة......لانه ساعات بيسال ف الكانزم
او شيتوكال " شيتوزان" مع الميكانزم
ومعاة مالتي فيتمن عشان لما الزينيكال يقلل امتصاص
30% من الدهون اللي ف الوجبة فبالتالي هيقلل امتصاص فات سوليبل فايتمين ا ك د ه
دايت سويتي سعرات اقل من السكر العادي ونفس الطعم
المسكر
حزام تخسيس
ميزان عشان يتابع هو خس اد اية
بران او حبوب ردة عشان تعمل امتلاء للمعدة وف نفس
الوقت مفيهاش سعرات كتيرة لانها فيبر
2 او 3 حبة قبل الوجباب مع شرب ماء كافي
هقول بعض الاسئلة اللي اتسالتها انا وزمايلي ::
اية دور الصيدي في الصيدلية ؟؟؟
صيدلي يشوف العملاء يدير فريق العمل ف الصيدلية عمال
حارس امن مساعدين
المعاملة مع الشركات يتابع الاكسبير النواقص نظافة
الصيدلية ويوزع المهام على فريق العمل
زبون بيقولك التجميل عندكو غالي عن الماركت لية ؟
مع ان هونفس الصنف ونفس التخزين ونفس الصلاحية ؟
طبعا لانك انت الموجود وانت المفروض اللي هتعرفة
اية اللي هيضرة واية اللي هينفعة بعكس البقال انك ممكن تساعدة بحاجات تانية تساعد معاه
مثلا الشامبو هو الشامبو بس ممكن اديك حبوب تغذي الشعر مع الشامبو بتاع التساقط مثلا
ودة اللي مش هتلاقيه عند البقال
الحليب " لبن الاطفال غالي عندكم عن الصيدلية
اللي قصادكم ؟
طبعا لاننا بنهتم بالتخزين والنقل لانة بيجي في مكيفات
ف عربيات النقل ودة يضمن سلامة المنتج
اي حاجة المهم متسبوش حيران
تعرف اية عن الدستونكس ؟
مادة " كابرجولين" حبوب لتقليل اللبن بعد
الفطام + الجرعة
اية هيا الألندرونات صوديم ؟وموجودة ف اية ؟ واية
جرعتها ؟ اشهر سؤال ف النهدي
دي بتاع هشاشة العظام وبتستخدم ف الستات بعد سن الياس
بوست مينوبوزال اوستيوبوروزيس وموجودة في " فوزاماكس " 4 حبات كل اسبوع حبة
مع 3 احتياطات : اية هما " سؤال منتشر ف البروماترك جدا " وف الانترفيو جدا
1 اكون ف وضع مستقيم ومش انام بعدها او اريح لمدة
ساعة
2مع كوبايتين مية كبار
3 على معدة فاضية
كل دة طبعا لان امتصاصها بووووور فانا بزود الامتصاص
بال 3 طرق دول
عاوز بعد 5 سنين تكون فين ؟؟؟
بخطط اكون مشرف واخد كورسات تاهلني لكدة وبعدها ب
3 سنين مدير منطقة وبعدها ب 3 سنين اكون خادم الحرمين واي تهجيص
بس بلاش يفهم انك جاي تشتغل سنتين وتمشي عشان تفتح
صيدلة ف مصر وخلاص
ممكن يسالك سؤال ملوش اي 3 لازمة ويكون صعب جدا وممكن
يحور معاك ويتوهك ف الميكنزمات او الامراض عشان يشوف رد فعلك ف الاسترس اكتر ميكون
عاوز يشوف اجابتك
ممكن يتريق عليك بسبب اجابتك بردة مش سخرية دي ف
حد ذاتها سؤال واختبار ليك تحت الاسترس
ممكن يبدأ معاك سؤال زي كدة : قولي ادوية الضغط بمكازماتها
ببدايلها ؟؟
طبعا اكيد مش هيخليك تكمل الاجابة لانها محتاجة ساعتين
بس ظبط كدة الامور وابدأ بالسها الحاضر ف ذهنك وهو هيحور بع دقيقتين على سؤال تاني
وممكن يدخل من دوا لعرض جانبي مشهور ويدردش فيه شوية
ولو عندي حاجة تانية افتكرتها ان شاء الله هبعتها
